தேனி: கனரா வங்கி ஊரக சுயவேலை வாய்ப்பு பயிற்சி நிலையத்தில் பெண்களுக்கான செல்போன் பழுதுநீக்குதல் இலவச பயிற்சி ஆக., 6 முதல் செப்.,12 வரை நடக்க உள்ளது.

பயிற்சி 18 வயது நிரம்பிய வேலை இல்லாத கிராமப்புற பெண்கள் பங்கேற்கலாம். பயிற்சி, மதிய உணவு இலவசம்.

காலை 9:30 மணி முதல் மாலை 5:30 மணி வரை பயிற்சி நடைபெறும். பயிற்சியில் தேர்ச்சி பெறுவோருக்கு சான்றிதழ் தொழில் துவங்க வங்கி கடன் ஆலோசனை வழங்கப்படும். விருப்பமுள்ளவர்கள் ஆதார் நகல், புகைப்படம் உள்ளிட்ட சான்றிதழ்களுடன் தேனி தாலுகா அலுவலகம் எதிரே செயல்படும் கனரா வங்கி ஊரக சுயவேலை வாய்ப்பு பயிற்சி நிலையத்தில் நேரடியாக விண்ணப்பிக்கலாம். மேலும் விபரங்களுக்கு 95003 14193 என்ற அலைபேசி எண்ணை தொடர்பு கொள்ளலாம் என பயிற்சி நிலைய இயக்குனர் ரவிக்குமார் தெரிவித்துள்ளார்.