சிவகங்கை; சிவகங்கையில் டாஸ்மாக் ஊழியர் சங்க நிர்வாகிகள் கூட்டம் நடந்தது. மாவட்ட தலைவர் குமார் தலைமை வகித்தார். மாநில சம்மேளன தலைவர் முருகன், மாவட்ட செயலாளர் திருமாறன், பொருளாளர் ராஜ்குமார், மெய்யப்பன் பங்கேற்றனர்.

2023 மார்ச் 3 ம் தேதி சமூக விரோதிகள் மதுக்கடை மீது பெட்ரோல் குண்டு வீசினர். அங்கிருந்த விற்பனையாளர் அர்ச்சுணன் சிகிச்சை பலனின்றி உயிரிழந்தார். உயிரிழந்த விற்பனையாளர் குடும்பத்தில் ஒருவருக்கு அரசு வேலை வழங்க முதல்வர் ஸ்டாலின் உத்தரவிட்டார்.

ஆனால் விற்பனையாளர் இறந்து 3 ஆண்டுகளை கடந்த போதும், அவரது குடும்பத்தில் ஒருவருக்கு அரசு வேலையை வாங்கி கொடுக்க மாவட்ட அதிகாரிகள் எந்தவித முயற்சியும் எடுக்கவில்லை என்றும் இதனை கண்டித்து ஜூன் 24 அன்று கலெக்டர் அலுவலகம் முன் காத்திருப்பு போராட்டம் நடத்துவது என தீர்மானம் நிறைவேற்றினர்.