காரைக்குடி: காரைக்குடி அழகப்பா பல்கலை இணைப்பு கல்லுாரிகளில் ஏப்., 2025ல் முதுகலை பாடப்பிரிவுகளுக்கு நடந்த தேர்வுகளுக்கான முடிவுகள் வெளியிடப்பட்டுள்ளன.

நேரடியாக மறுமதிப்பீட்டிற்கு விண்ணப்பிக்க விரும்பும் மாணவர்கள் தேர்வு முடிவு வெளியான 7 நாட்களில் பாடம் ஒன்றுக்கு ரூ. 660 வீதம் வரைவோலை (பதிவாளர், அழகப்பா பல்கலை காரைக்குடி) செலுத்தி விண்ணப்பிக்கலாம்.

விடைத்தாள் நகல் பெறவிரும்பும் மாணவர்கள், தேர்வு முடிவு வெளியான 7 நாட்களுக்குள் நகல் ஒன்றுக்கு ரூ. 550 வரைவோலை (பதிவாளர்,அழகப்பா பல்கலை காரைக்குடி) செலுத்தி விண்ணப்பிக்கலாம்.

விடைத்தாள் நகல் பெற்ற பின்பு மறுமதிப்பீட்டிற்கு விண்ணப்பிக்க விரும்பும் மாணவர்கள் விடைத்தாள் நகல் பெற்ற நாளில் இருந்து 7 நாட்களுக்குள் பாடம் ஒன்றுக்கு ரூ.500 வரைவோலை (பதிவாளர், அழகப்பா பல்கலை காரைக்குடி) செலுத்தி விண்ணப்பிக்கலாம் எனவும், தேர்வு முடிவுகள் www.alagappauniversity.ac.in என்ற பல்கலை இணையதளத்தில் வெளியிடப்பட்டுள்ளதாகவும் பதிவாளர் செந்தில்ராஜன், தேர்வாணையர் மு.ஜோதிபாசு தெரிவித்துள்ளனர்.