காரைக்குடி: கோட்டையூர் பேரூராட்சி கோ. வேலங்குடி பெரியநாயகி அம்மன் கோயில் கிடா வெட்டு திருவிழா ஜூலை 7ம் தேதி காப்பு கட்டுதலுடன் தொடங்கியது.

நேற்று காலை, அம்பாள் திருவீதி உலா வயல்நாச்சி அம்மன் கோயிலுக்கு கொண்டு செல்லும் நிகழ்ச்சி, இரவு வயல்நாச்சி அம்மன் கோயிலில் இருந்து அம்பாள் சிம்ம வாகனத்தில் திருவீதி உலா நடந்தது. இன்று காலை வயல்நாச்சியம்மன் கோயிலில் அபிஷேகம் தீபாராதனை, தொடர்ந்து பெரியநாயகி அம்மனுக்கு அபிஷேகம், மாலை 5:00 மணிக்கு கிடா வெட்டு ரத உற்சவம் நடைபெறுகிறது. நாளை காலை அம்மன் திருவீதி உலா, மாலை மஞ்சள் நீராடுதல், இரவு அம்மன் புஷ்ப பல்லக்கில் உலா நடைபெறுகிறது.