சிவகங்கை : மாவட்ட அளவில் 144 தேர்வு மையங்களில் நடந்த டி.என்.பி.எஸ்.சி., குரூப் 4 தேர்வினை 30,744 பேர் எழுதினர். நேற்றைய தேர்வில் 8,499 பேர் பங்கேற்கவில்லை.

மாநில அளவில் வி.ஏ.ஓ., வனக்காவலர் உட்பட 6,424 பணியிடங்களுக்கான குரூப் 4 தேர்வு நேற்று இம்மாவட்டத்தில் உள்ள 144 தேர்வு மையங்களில் நடந்தது.

இதில், பங்கேற்க 39,242 பேர் விண்ணப்பித்திருந்தனர். நேற்று காலை 9:30 மணி முதல் மதியம் 12:30 மணி வரை நடந்த தேர்வில், 30,744 பேர் பங்கேற்றனர். தேர்வில் 8,499 பேர் ஆப்சென்ட் ஆகினர். தேர்வு மையங்களை கலெக்டர் ஆஷா அஜித் ஆய்வு செய்தார். தேர்வு அறை கண்காணிப்பு பணியில் 140 முதன்மை கண்காணிப்பாளர், பறக்கும் படையினர் பங்கேற்றனர்.