சேலம், துப்புரவு மக்கள் குழு சார்பில், சேலம், கோட்டை மைதானத்தில் கவன ஈர்ப்பு ஆர்ப்பாட்டம் நேற்று நடந்தது. தலைவர் பூபதி தலைமை வகித்தார்.

அதில் மாநகராட்சியில் தினக்கூலி அடிப்படையில் பணிபுரியும் துாய்மை பணியாளர்களுக்கு, தீபாவளி போனஸ், 20 சதவீதம் வழங்குதல்; பல ஆண்டாக பணிபுரியும் துாய்மை பணியாளர்களை நிரந்தரப்படுத்தல் உள்ளிட்ட பல்வேறு கோரிக்கைகளை வலியுறுத்தினர். இதில் குழு நிர்வாகிகள் உள்ளிட்ட துாய்மை பணியாளர்கள் பங்கேற்றனர்.