சேலம், தமிழ்நாடு அனைத்து சத்துணவு அங்கன்வாடி ஓய்வூதியர் சங்கம், சேலம் மாவட்ட மையம் சார்பில், கோட்டை மைதானத்தில், நேற்று ஆர்ப்பாட்டம் நடந்தது. மாவட்ட தலைவர் காவேரி தலைமை வகித்தார்.

அதில் குறைந்தபட்ச ஓய்வூதியம், 7,850 ரூபாய் வழங்குதல்; அகவிலைப்படி, மருத்துவப்படி, குடும்ப ஓய்வூதியம், இலவச மருத்துவ காப்பீடு வழங்குதல்; பொங்கல் பரிசுத்தொகையை உயர்த்தி பண்டிகை முன்பணம் தருதல் உள்பட, 9 அம்ச கோரிக்கைகளை வலியுறுத்தி கோஷமிட்டனர். மாநில செயலர் சுப்ரமணி பேசினார். மாவட்ட செயலர் லீலாதேவி, முன்னாள் செயலர் முருகபெருமாள், தமிழ்நாடு சத்துணவு ஊழியர் சங்க மாவட்ட தலைவர் அமராவதி உள்பட பலர் பங்கேற்றனர்.