மேட்டூர்: சேலம் மாநகராட்சியில் குடிநீர் பற்றாக்குறையை தடுக்க, மேட்டூர் அணை இடதுகரை பகுதியில் உள்ள நீரில் மிதவை மோட்-டார்கள் பொருத்தப்பட்டுள்ளன.மேட்டூர் அணை மற்றும் காவிரியாற்றில் இருந்து குடிநீர் எடுத்து சுத்திகரித்து, சேலம் மாநகராட்சியின், 60 வார்டுகளுக்கும் வினி-யோகிக்கப்படுகிறது.

அதற்கு அணை இடதுகரையில், 50 ஆண்டு பழமையான நீரேற்று நிலையம், காவிரி கரையோரம் தொட்டில்-பட்டியில் இரு நீரேற்று நிலையங்கள் மூலம் குடிநீர் எடுக்கப்படு-கிறது.இடதுகரையில் உள்ள நீரேற்று நிலையம் மூலம் தினமும், 23 லட்சம் லிட்டர் குடிநீர் எடுக்கப்படும். இதில் தாரமங்கலம், வழி-யிடை கிராமங்களுக்கு, 12 லட்சம் லிட்டர், மீதி சேலம் மாநகராட்-சிக்கு வழங்கப்படுகிறது. தற்போதைய மக்கள் தொகைக்கு ஏற்ப மாநகராட்சிக்கு, 13.50 கோடி லிட்டர் குடிநீர் வினியோகிக்-கப்படுகிறது. மேட்டூர் அணை நீர்மட்டம், 36 அடிக்கு மேல் இருந்தால், இடதுகரையில் உள்ள தொட்டியில் இருந்து தண்ணீர் எடுக்க முடியும். தற்போது நீர்மட்டம், 39.67 அடியாக உள்ளது. இன்னும், 3 அடி சரிந்தால், அணையில் மிதவை மோட்டார்கள் மூலம் தண்ணீர் எடுத்து தொட்டியில் நிரப்பி, மாநகராட்சிக்கு வினியோகிக்க வேண்டும். அதனால் தொட்டி அருகே அணை நீரில் தலா, 75 குதிரை திறன் சக்தி கொண்டது, 3; 35 குதிரை திறன் சக்தி கொண்டது, 2 என, 5 மோட்டார்களை மிதக்க-விட்டு, மாநகராட்சி தயாராக வைத்துள்ளது.இதுகுறித்து மாநகராட்சி குடிநீர் வினியோக பொறியாளர்கள் கூறு-கையில், 'மாநகராட்சிக்கு சீரான குடிநீர் வினியோகிக்க, அணை நீரில் மோட்டார்களை மிதக்க விட்டு தயாராக வைத்துள்ளோம்' என்றனர்.