சேலம்:ஈரோடு - நெல்லை முன்பதிவில்லா எக்ஸ்பிரஸ் ரயில், இன்று முதல் செங்கோட்டை வரை நீட்டிப்பு செய்யப்படுவதாக, சேலம் கோட்ட ரயில்வே நிர்வாகம் தெரிவித்துள்ளது.

ஈரோட்டில் இருந்து, நெல்லைக்கு இயக்கப்படும் முன்பதிவில்லா எக்ஸ்பிரஸ் ரயிலின் இயக்கம் இன்று முதல் செங்கோட்டை வரை நீட்டிப்பு செய்யப்படுகிறது. இன்று மதியம், 2:00 மணிக்கு ஈரோட்டில் இருந்து புறப்படும் ரயில் இரவு, 8:50 மணிக்கு திருநெல்வேலிக்கும், இரவு, 11:10 மணிக்கு செங்கோட்டைக்கும் சென்றடைகிறது.

மறுமார்க்கத்தில் நாளை காலை, 5:00 மணிக்கு செங்கோட்டையில் இருந்து புறப்படும் ரயில், 6:25 மணிக்கு திருநெல்வேலிக்கும், மாலை, 3:00 மணிக்கு ஈரோடு வந்தடைகிறது.