பனமரத்துப்பட்டி, சேலம் தாலுகா அலுவலகத்தில், பா.ஜ.,வின் பனமரத்துப்பட்டி ஒன்றிய தலைவர் நிர்மலா, மண்டல பிரதிநிதி மோகன்ராஜ், ஒன்றிய முன்னாள் பொதுச்செயலர் தமிழ்நேசன் ஆகியோர் நேற்று மனு அளித்தனர். அதில், 'பனமரத்துப்பட்டி,

திப்பம்பட்டி ஊராட்சியில், வாடகை வீட்டில் வசிக்கும் விவசாய கூலி தொழிலாளர்கள், 45 பேருக்கு இலவச வீட்டுமனைக்கு நிலம் வழங்க வேண்டும்' என கூறியிருந்தனர். விவசாய தொழிலாளர்களும் உடனிருந்தனர்.இதுகுறித்து, பா.ஜ.,வினர் கூறுகையில், 'வருவாய் ஆய்வாளர் மூலம் களஆய்வு செய்து, நடவடிக்கை எடுப்பதாக, அதிகாரிகள் தெரிவித்தனர்' என்றனர்.