சேலம்: வராகி அம்மன் கோவிலில் நடந்து வரும் 'ஆஷாட' நவராத்திரி விழாவையொட்டி, தினசரி விதவிதமான அலங்காரங்களில் சிறப்பு பூஜை செய்யப்படுகிறது.

சேலம் தளவாய்ப்பட்டி இ.எஸ்.ஐ., மருத்துவமனை அருகே, மகா ருத்ர வராகி அம்மன் கோவிலில் கடந்த, 25ம் தேதி அமாவா-சையன்று மகா கணபதி, மகா ருத்ர வராகி, மகா கால பைரவருக்கு சிறப்பு யாக பூஜைகள் செய்து 'ஆஷாட' நவராத்திரி விழா துவங்கி-யது. ஜூலை 5 வரை 10 நாட்கள் நடக்கும் நவராத்திரி விழாவை-யொட்டி, தினசரி மூலவர் வராகி அம்மனுக்கு அபி ேஷகம், அலங்கார பூஜை, சகஸ்ர நாம பாராயணத்துடன் நடந்து வருகிறது. பஞ்சமியான இன்று (ஜூன் 30) காலை 6:00 மணிக்கு சிறப்பு யாக பூஜையும், மாலை 6:00 மணிக்கு பஞ்சமி பூஜை நடக்கவுள்-ளது.ஜூலை 4ம் தேதி காலை 8:00 மணிக்கு பால்குட ஊர்வலம், மாலை கோவை சரவணம்பட்டி குருகிருபா நாட்டியாலயா பள்ளி மாணவிகளின் பரத நாட்டியம், இரவு அம்மன் திருவீதி உலா, ஆகியவை நடக்கிறது. 5 காலை, 10:30 மணிக்கு மகா ருத்ர வராகி அம்மன் உடனமர் உன்மத்த கால பைரவர் திருக்கல்-யாணம் மற்றும் பட்டாபி ேஷகம் நடக்கிறது. மாலை 6:00 மணிக்கு ஊஞ்சல் உற்சவத்துடன் 'ஆஷாட' நவராத்திரி விழா நிறைவு பெறும்.