அரூர்,

அரூர், வேளாண் உற்பத்தியாளர்கள் கூட்டுறவு விற்பனை சங்கத்தில், நேற்று முன்தினம் நடந்த மஞ்சள் ஏலத்தில், 720 மூட்டைகள், 42 லட்சம் ரூபாய்க்கு விற்பனையாகின.

தர்மபுரி மாவட்டம், அரூர் வேளாண் உற்பத்தியாளர்கள் கூட்டுறவு விற்பனை சங்கத்தில், மஞ்சள் ஏலம் நடந்தது. மொரப்பூர், அரூர், பாப்பிரெட்டிப்பட்டி பகுதிகளிலிருந்து, 135 விவசாயிகள், 720 மூட்டை மஞ்சளை விற்பனைக்கு கொண்டு வந்தனர். இதில், விரலி மஞ்சள் ஒரு குவிண்டால், அதிகபட்சமாக, 17,609 ரூபாய்க்கும், குறைந்தபட்ச விலையாக, 15,509 ரூபாய்க்கும், விற்பனையானது. இதேபோல், கிழங்கு மஞ்சள், ஒரு குவிண்டால், அதிகபட்சமாக, 16,309 ரூபாய்க்கும், குறைந்தபட்சமாக, 14,309 ரூபாய்க்கும் விற்பனையானது. மொத்தம், 720 மூட்டை மஞ்சள், 42 லட்சம் ரூபாய்க்கு விற்பனையானதாக அதிகாரிகள் தெரிவித்தனர்.