சேலம்: இந்திய அரசின், ஸ்கில் இந்தியா, என்.எஸ்.டி.சி., சார்பில், சேலம், 4 ரோடு, சாமுண்டி வளாகத்தில் உள்ள பயிற்சி நிலையத்தில், தங்க நகை மதிப்பீட்டாளர் பயிற்சி அளிக்கப்பட உள்ளது.

வரும், 17 முதல், 26 வரை, 10 நாட்கள் பயிற்சி அளிக்கப்படும். தங்கம் விலை கணக்கிடும் முறை, கொள்முதல் செய்யும் முறை, உரைகல்லில் தங்கத்தின் தரம் அறியும் செய்முறை பயிற்சி, நகைக்கடன் வழங்கும் முறை, 'ஹால்மார்க்' தரம் அறியும் விதங்கள் குறித்து பயிற்சி அளிக்கப்படும். 18 வயது நிரம்பிய இருபாலரும் சேரலாம். குறைந்தது, 8ம் வகுப்பு தேர்ச்சி அவசியம். பயிற்சி முடிவில் இந்திய அரசு சான்றிதழ் வழங்கப்படும்.

பயிற்சி முடித்தவர்கள் தேசிய கூட்டுறவு, தனியார் வங்கிகள், நகை அடகு நிதி நிறுவனங்களில் மதிப்பீட்டாளராகவும், நகை விற்பனை நிலையங்களில் விற்பனை பணியாளராகவும் சேரலாம். பயிற்சியில் சேர விரும்புவோர், 3 பாஸ்போர்ட் அளவு புகைப்படங்களுடன், ஆதார் அசல், நகல், கல்வித்தகுதி நகலுடன், 7,500 ரூபாய் பயிற்சி கட்டணத்துடன் வர வேண்டும். விபரத்துக்கு, 94437 28438 என்ற எண்ணில் தொடர்பு கொள்ளலாம்.