சேலம்: சேலம், விநாயகா மிஷனின் விம்ஸ் மருத்துவமனை வளாகத்தில் உள்ள அலைடு ஹெல்த் சயின்ஸ் துறையில் பட்டமளிப்பு விழா நடந்தது. டீன் செந்தில்குமார் முன்னிலை வகித்து, கல்லுாரி சாதனை, செயல்பாடுகள் குறித்து பேசினார்.

தமிழக அரசின் மருத்துவ கல்வி, ஆராய்ச்சி அமைப்பின் கூடுதல் இயக்குனர் சாந்தாராமன் கல்யாணராமன், அலைடு ஹெல்த் சயின்ஸ் துறையில் எதிர்கால வேலைவாய்ப்பு, வளர்த்துக்கொள்ள வேண்டிய திறன்கள் குறித்து பேசினார்.

பல்கலை தேர்வு கட்டுப்பாட்டு அதிகாரி மணிவண்ணன், மாணவ செயல்முறை பயிற்சி இயக்குனர் ஜெய்கர், மாணவ நல இயக்-குனர் சண்முகசுந்தரம், தரவரிசை, அங்கீகார பிரிவு இயக்குனர் ஸ்ரீதர்ரெட்டி ஆகியோரும் பேசினர். தொடர்ந்து துறையின் செய்தி பத்திரிகை வெளியிடப்பட்டது.

தொடர்ந்து துறையை சேர்ந்த, 346 மாணவ, மாணவியர் பட்டம் பெற்றனர். இதில், 23 பேர் தங்கம், 20 பேர் வெள்ளி, 17 பேர் வெண்கல பதக்கங்களை பெற்றனர்.

முடிவில் மாணவ, மாணவியர் உறுதிமொழி ஏற்றனர். இதற்கான ஏற்பாட்டை, துறை பேராசிரியர்கள் செய்திருந்தனர்.