அரக்கோணம்: அரக்கோணம் அருகே, சித்தேரியில் தண்டவாளம் துண்டானதால், ரயில்கள் ஆங்காங்கே நடுவழியில் நிறுத்தப்பட்டுள்ளதால், பய-ணிகள் அவதியடைந்துள்ளனர்.

ராணிப்பேட்டை மாவட்டம், அரக்கோணத்திலிருந்து, வேலுார் நோக்கி சித்தேரி ரயில்வே ஸ்டேஷன் அருகே சரக்கு ரயில் நேற்று இரவு, 9:12 மணிக்கு சென்று கொண்டிருந்தது.அப்போது, தண்டவாளத்தில் வித்தியாசமான சத்தம் வந்ததால், ஏதோ கோளாறு ஏற்பட்டுள்ளதை உணர்ந்த சரக்கு ரயில் இன்ஜின் டிரைவர் உடனடியாக ரயிலை நிறுத்தி, சித்தேரி ரயில்வே ஸ்டேஷன் மாஸ்டருக்கு தகவல் தெரிவித்தார். பின்பு, அங்கி-ருந்து அரக்கோணம் ரயில்வே ஸ்டேஷனுக்கு தகவல் தெரிவிக்கப்-பட்டது.

இதையடுத்து சென்னையிலிருந்து அரக்கோணம் வரும் ரயில்கள் மற்றும் காட்பாடியிலிருந்து அரக்கோணம் நோக்கி செல்லக்கூடிய ரயில்களுக்கு தகவல் தெரிவிக்கப்பட்டு, ஆங்காங்கே நிறுத்தப்பட்-டன. ரயில் தண்டவாள உடைப்பை சரி செய்ய, அரக்கோணத்-திலிருந்து ரயில்வே ஊழியர்கள் சம்பவ இடத்திற்கு சென்று பார்த்-தபோது, தண்டவாளத்தில் ஏற்கனவே வைக்கப்பட்டிருந்த வெல்டிங் உடைந்து, துண்டாகி கிடந்தது தெரியவந்தது.

பின்னர் அரக்கோணம், காட்பாடி மற்றும் வாலாஜாவிலிருந்து ரயில்வே ஊழியர்கள் சென்று தண்டவாளத்தை சீரமைக்கும் பணியில் ஈடுபட்டுள்ளனர். இதனால், சென்னையிலிருந்து அரக்-கோணம் வழியாக செல்லும் ஆலப்புழா எக்ஸ்பிரஸ் ரயில், நீல-கிரி எக்ஸ்பிரஸ் ரயில், உள்ளிட்ட சில ரயில்கள் நடு வழியில் நிறுத்தப்பட்டுள்ளன. இதனால் பயணிகள் கடும் அவதியடைந்-தனர்.

நேற்று இரவு, 9:28 மணி வரை ரயில் தண்டவாள சீரமைப்பு பணி முடியவில்லை. மேலும் ஒரு மணி நேரம் காலதாமதமாகும் என ரயில்வே ஊழியர்கள் தெரிவித்தனர். அதற்குள் மாற்று ஏற்-பாடு செய்து வேறு டிராக்கில், ரயிலை இயக்குவதற்கான நடவ-டிக்கையிலும் ஊழியர்கள் ஈடுபட்டுள்ளனர்.