திருவாடானை:திருவாடானை தாலுகா தினையத்துாரில் ஜூன் 14 ல் பொதுவினியோக திட்ட குறைகளை தெரிவிக்க மனுக்கள் கொடுக்கலாம்.

பொது வினியோக திட்டத்தின் சேவைகளை அனைத்து தரப்பு மக்களும் பயன்பெறும் வகையில் மாதத்தின் இரண்டாவது சனிக்கிழமை அன்று மக்கள் குறை தீர்க்கும் முகாம் நடைபெறும்.

இது குறித்து திருவாடானை தாலுகா வட்ட வழங்கல் அலுவலர்கள் கூறியதாவது:

திருவாடானை தாலுகா தொண்டி பிர்கா தினையத்துாரில் ஜூன் 14ல் சிறப்பு குறை தீர்க்கும் முகாம் காலை 10:00 முதல் மதியம் 1:00 மணி வரை நடைபெறும். பொது வினியோகத்தில் ஏற்படும் குறைகளை குறிப்பிட்டு மனுக்களாக கொடுக்கலாம்.

பெயர் சேர்ப்பது, நீக்குவது, முகவரி மாற்றம் செய்வது, அலைபேசி எண் மாற்றுதல், குடும்பத் தலைவர் போட்டோ மாற்றுதல் உள்ளிட்ட அனைத்து குறைகளையும் மனுக்களாக கொடுக்கலாம் என்றனர்.