ராமநாதபுரம்: -ராமநாதபுரம் அரசு மருத்துவக்கல்லுாரி மருத்துவமனை வளாகத்தில் தேவையற்ற வாகனங்கள் நிறுத்தப்படுவதாக புகார் எழுந்துள்ளது.

ராமநாதபுரம் அரசு மருத்துவக்கல்லுாரி மருத்துவமனையில் ரூ.154.84 கோடியில் ஐந்து தளங்களுடன் 500 படுக்கைகள் கொண்ட புதிய கட்டடம் உள்ளது. இதன் தரை தளத்தில் வாகன நிறுத்தம் அமைக்கப்பட்டுள்ளது. டாக்டர்கள், அதிகாரிகள் தங்களது நான்கு சக்கர வாகனங்களை நிறுத்த இது அமைக்கப்பட்டுள்ளது.

ஆனால் இங்கு மருத்துவமனைக்கு சம்பந்தம் இல்லாதவர்கள் கூட வாகனங்களை நிறுத்தி விட்டு செல்கின்றனர். எனவே டீன் அமுதாராணி நான்கு சக்கர வாகனங்கள் நிறுத்தும் இடத்தை பார்வையிட்டு தேவையில்லாமல் நிற்கும் வாகனங்களை உடனடியாக அப்புறப்படுத்த நடவடிக்கை எடுத்துள்ளார்.

இதே போல் இரு சக்கர வாகனங்களில் வருபவர்கள் தங்கள் இஷ்டத்திற்கு வாகனங்களை நிறுத்துகின்றனர். இதனால் அவசர சிகிச்சை பிரிவுக்கு செல்லும் ஆம்புலன்ஸ்கள் திணறுகின்றன. இரு சக்கர வாகனங்களை நிறுத்தும் பகுதி முறைப்படுத்தி தேவையற்ற வாகனங்களை அப்புறப்படுத்த நடவடிக்கை எடுக்க வேண்டும்.