ராமநாதபுரம் : 2023--24ஆம் ஆண்டிற்கான பசுமை சாம்பியன் விருது பெற தகுதியுள்ள நபர்கள் ஏப்.15க்குள் விண்ணப்பிக்கலாம்.

தமிழ்நாடு மாசு கட்டுப்பாடு வாரியம் சார்பில், சுற்றுச்சூழல் பாதுகாப்பு மற்றும் விழிப்புணர்வை சிறப்பாக செயல்படுத்திய நிறுவனங்கள், கல்வி நிறுவனங்கள், குடியிருப்போர் நல சங்கங்கள், தனி நபர்கள், உள்ளாட்சி அமைப்புகள், தொழிற்சாலைகளுக்கு பசுமை சாம்பியன் விருது 100 நபர்களுக்கு தலா ரூ. 1லட்சம் வீதம் வழங்கப்படுகிறது.

ராமநாதபுரம் கலெக்டர் விஷ்ணுசந்திரன் தலைமையில் அமைக்கப்பட்ட தேர்வு குழு தகுதி வாய்ந்த நிறுவனம், தனிநபரை தேர்வு செய்யும்.

விண்ணப்ப படிவத்தை தமிழ்நாடு மாசுகட்டுப்பாடு வாரியம் www.tnpcb.gov.in என்ற இணைய தளத்தில் பதிவிறக்கம் செய்து ஏப். 15க்குள் விண்ணப்பிக்க வேண்டும்.

கூடுதல் விபரங்களுக்கு ராமநாதபுரம் மாசுகட்டுப்பாடு வாரியம் அலுவலகத்தை தொடர்பு கொள்ளலாம்.