முதுகுளத்துார் : தினமலர் நாளிதழ் செய்தி எதிரொலியாக முதுகுளத்துார்- -கமுதி ரோடு பேரூராட்சி அலுவலகம் அருகே காவிரி குடிநீர் குழாய் உடைப்பு சீரமைக்கப்பட்டது.

முதுகுளத்துார் பேரூராட்சி மற்றும் அதனை சுற்றியுள்ள கிராமங்களுக்கு ரோட்டோரத்தில் ராட்சத குழாய் பதிக்கப்பட்டு காவிரி குடிநீர் சப்ளை செய்யப்பட்டு வருகிறது. முதுகுளத்துார் -- கமுதி ரோடு பேரூராட்சி அலுவலகம் அருகே செல்லும் காவிரி குழாயில் உடைப்பு ஏற்பட்டு குடிநீர் வீணாகிறது.

குடிநீர் கழிவுநீர் கால்வாயில் செல்கிறது. முதுகுளத்துார்- - கமுதி செல்லும் முக்கியமான ரோடு என்பதால் வாகனங்கள் அதிகமாக செல்வதால் குழாய் உடைப்பு ஏற்பட்ட இடத்தில் பள்ளம் ஏற்பட்டு ரோடு சேதமடைந்துள்ளது.

இதுகுறித்து தினமலர் நாளிதழில் செய்தி வெளியானது. இதன் எதிரொலியாக குடிநீர் வடிகால் வாரிய அதிகாரிகள் காவிரி குழாய் உடைப்பை சரி செய்தனர்.