கூடலுார்: நாடுகாணியில் சேதமடைந்துள்ள ஜீன்பூல் தாவர மைய சாலையை சீரமைக்க மக்கள் வலியுறுத்தியுள்ளனர்.

கூடலூர், நாடுகாணி அருகே, அமைந்துள்ள ஜீன்பூல் சூழல் சுற்றுலா தாவர மையத்தில், ஜிப்லைன், காட்சி கோபுரம், மீனகம், பசுமை குடிகள், அருங்காட்சியகம், பழமையான தாவரங்கள் சுற்றுலா பயணியரை கவர்ந்து வருகின்றன.

மேலும், சுற்றுலா பயணியர் மலையேற்றம் செல்லும் வசதியும், தங்குவதற்கான விடுதிகளும் உள்ளது.

நாடுகாணி, நிலம்பூர் சாலையை ஒட்டிய நுழைவுவாயில் மையத்தில், சுற்றுலா பயணியர் நுழைவு கட்டணம் செலுத்தி ஜீன்பூல் தாவர மையம் சென்று வருகின்றனர்.

நுழைவுவாயில் முதல் ஜீன்பூல் ஜங்ஷன் பகுதி வரை சுற்றுலா பயணியர் சென்று வருவதற்காக, 1.5 கி.மீ., தார் சாலை அமைத்துள்ளனர்.

இச்சாலை, பல இடங்களில் சேதமடைந்துள்ளதால், சுற்றுலா பயணியர் நடந்து செல்லவும், வாகனங்கள் இயக்கவும் சிரமப்பட்டு வருகின்றனர். பல ஆண்டுகளாக இச்சாலை செய்தமடைந்துள்ளதால் மக்கள் அதிருப்தி அடைந்துள்ளனர்.

சுற்றுலா பயணிகள் கூறுகையில், 'இங்குள்ள சாலை, பல இடங்களில் சேதமடைந்துள்ளதால், சுற்றுலா பயணியர் நடந்து செல்லவும், வாகனங்கள் இயக்கவும் சிரமம் ஏற்பட்டுள்ளது. சேதமடைந்த இச்சாலையை சீரமைக்க வேண்டும்' என்றனர்.