கூடலுார் வன அலுவலர் வெங்கடேஷ் பிரபு கூறியதாவது:

விலங்கு- மனித மோதலை கட்டுப்படுத்துவதற்கான முழு முயற்சியில் வனத்துறை ஈடுபட்டு வருகிறது. உறக்கம் இன்றி, 24 மணி நேரமும் பொதுமக்களை காப்பாற்றுவதற்கு முயற்சி மேற்கொண்டு வரும் நிலையில், யானைகள் வழித்தடங்களை உள்ளடக்கிய செக்சன்-17-நிலங்களில் அமைக்கப்பட்டுள்ள சோலார் மின் வேலிகளை அகற்ற, பொதுமக்கள் கொடுத்த புகாரை மையமாக வைத்தே நடவடிக்கை மேற்கொள்ளப்பட்டு உள்ளது. தற்போது, வேலிகளை அகற்ற ஒரு தரப்பினர் எதிர்ப்பு தெரிவித்து வரும் நிலையில், மாவட்ட நிர்வாகத்துடன் ஆலோசனை செய்து, மனித- விலங்கு மோதலை தடுக்கும் வகையில், வன விலங்குகளின் வழித்தடங்களில் உள்ள தடைகள் மற்றும் ஆக்கிரமிப்புகளை அகற்றுவதற்கான நடவடிக்கை மேற்கொள்ளப்படும். கும்கி யானைகள் மற்றும் தெர்மல் கேமரா ட்ரோன் உதவியுடன் கிராமங்களுக்குள் வரும் யானைகளை விரட்டும் பணி நடந்து வருகிறது. இந்த சூழ்நிலையில், வனவிலங்குகளின் வழித்தடங்களில் உள்ள தடைகளை அகற்ற அனைவரும் ஒத்துழைக்க வேண்டும். இவ்வாறு அவர் கூறினார்.