குன்னுார்:நீலகிரி மாவட்டம், குன்னுாரில் கன மழை பெய்து வருகிறது. குன்னுார், மேட்டுப்பாளையம் மலை ரயில் பாதையில் ரன்னிமேடு அருகே, 21வது கி.மீ., பகுதியில் முட்புதர்களுடன் இரு மரங்கள் விழுந்தன.

இதேபோல, ஊட்டி - குன்னுார் இடையே, 28.6வது கி.மீ.,யில் தண்டவாளத்தில் ஒரு மரம் விழுந்தது. தகவலின்படி, ரயில்வே ஊழியர்கள், 20 பேர் இரு குழுக்களாக பிரிந்து சம்பவ இடங்களுக்கு சென்று மரங்களை வெட்டி அகற்றினர்.

இதனால், நேற்று முன்தினம் காலை, 7:10 மணிக்கு மேட்டுப்பாளையத்தில் இருந்து ஊட்டிக்கு புறப்பட்ட மலை ரயில், ஹில்குரோவ் ஸ்டேஷனில் நிறுத்தப்பட்டது.

பாதை சீரமைப்புக்கு பின், ஒன்றரை மணி நேரம் தாமதமாக காலை, 11:40 மணிக்கு குன்னுார் வந்து சேர்ந்தது. பின், ஒரு பெட்டி கூடுதலாக இணைத்து ஊட்டி சென்றது.