அரசு மருத்துவமனையில் பிணவறை

பெரியநாயக்கன்பாளையம் வட்டாரம், கூடலூர் நகராட்சிக்கு உட்பட்ட பகுதிகளில் அசம்பாவித சம்பவங்களால் உயிரிழக்கும் நபர்களின் உடல், கூறாய்வு பரிசோதனை செய்ய சுமார், 16 கி.மீ., தொலைவு உள்ள கோவை அரசு மருத்துவமனை அல்லது மேட்டுப்பாளையம் அரசு மருத்துவமனைக்கு அவர்களின் உடலை கொண்டு செல்ல வேண்டி உள்ளது. இப்பிரச்சனைக்கு தீர்வு காண, பெரியநாயக்கன்பாளையம் அரசு மருத்துவமனை வளாகத்தில் கடந்த சில ஆண்டுகளுக்கு முன்பு பிணவறை கட்டும் பணி தொடங்கியது. சில காரணங்களால் பிணவறை கட்டுமான பணி தடைபட்டது.பொதுமக்களின் நலனை கருத்தில்கொண்டு, மீண்டும் பிணவறை கட்ட தேவையான முயற்சிகள் மேற்கொள்ளப்படும் என, டாக்டர் சேரலாதன் கூறினார்.