பந்தலுார் : பந்தலுார் அரசு மேல்நிலைப்பள்ளி மாணவர்களுக்கு, தேவாலா காவல்துறை சார்பில் போதை பொருள் ஒழிப்பு விழிப்புணர்வு நிகழ்ச்சி நடந்தது.

பள்ளி தலைமை ஆசிரியர் சூரியகுமார் வரவேற்றார். போலீஸ் சப்-இன்ஸ்பெக்டர்கள், கலையரசி, ரவிச்சந்திரன் ஆகியோர், 'போதை பொருள் பயன்பாட்டால் ஏற்படும் பாதிப்புகள்; போதை பொருள் வைத்திருந்தால் எடுக்கப்படும் நடவடிக்கைகள்,' குறித்து பேசினர். தொடர்ந்து, விழிப்புணர்வு ஊர்வலம் பள்ளியில் துவங்கி, பந்தலுார் பஜார் வழியாக சென்று பள்ளி வளாகத்தை வந்து அடைந்தது.

நிகழ்ச்சியில் பள்ளி ஆசிரியர்கள் செந்தில்குமார், நந்தகுமார், தண்டபாணி மற்றும் மாணவர்கள் போலீசார் பங்கேற்றனர்.