பந்தலூர்: பந்தலூர் சுற்றுவட்டார பகுதிகளுக்கு நடுவட்டம் பகுதியைச் சேர்ந்த தனியார் கேஸ் ஏஜென்சி மூலம் சமையல் சிலிண்டர் வினியோகம் செய்யப்பட்டு வருகிறது.

சிலிண்டர் வினியோகம் முடித்து, நடுவட்டத்திற்கு சிலிண்டர் ஏற்றிய லாரி சென்று கொண்டிருந்தது. அப்போது கேரளா மாநிலம் மலப்புரம் பகுதியில் இருந்து பந்தலூர் நோக்கி இன்னோவா கார் ஒன்று வந்துள்ளது.

இதில் பந்தலூர் அருகே நீர்மட்டம் என்ற இடத்தில் வளைவான பகுதியில் வந்த போது, லாரியும் காரம் நேருக்கு நேர் மோதிக்கொண்டது. இதில் இரண்டு வாகனங்களும் பாதிக்கப்பட்டதுடன், காரில் பயணித்த ஒரு குழந்தை உள்ளிட்ட இருவருக்கு லேசான காயங்கள் ஏற்பட்டது. இதனால் பந்தலூர்- கூடலூர்- ஊட்டி மற்றும் கேரளா மாநிலங்கள் செல்லும் வாகனங்கள் சுமார் ஒரு மணி நேரம் செல்ல முடியாத நிலை ஏற்பட்டது. விபத்து குறித்து தேவால போலீசார் விசாரணை மேற்கொண்டு வருகின்றனர்.