நாமக்கல், நாமக்கல் கூட்டுறவு மேலாண் நிலையம் சார்பில், 2024-25ம் ஆண்டின், முழு நேர பட்டய பயிற்சி மாணவ, மாணவியருக்கான விளையாட்டு போட்டி, மாவட்ட விளையாட்டு மைதானத்தில் நடந்தது. மாவட்ட கூட்டுறவு மேலாண் பயிற்சி நிலைய முதல்வர் செல்வகுமார் தலைமை வகித்து, போட்டியை துவக்கி வைத்தார்.

அதில், ஆண்கள், பெண்களுக்கு, 100 மீ., 200 மீ., 1,200 மீ., ஓட்டப்பந்தயம் குண்டு எறிதல், கைப்பந்து போட்டி உள்ளிட்ட போட்டிகள் நடத்தப்பட்டன. போட்டிகளில், முழு நேர பட்டய பயிற்சி மாணவ, மாணவியர் ஆர்வமுடன் பங்கேற்றனர்.

வெற்றி பெற்ற மாணவர்களுக்கு பரிசு மற்றும் சான்றிதழ் வழங்கப்பட்டது. விரிவுரையாளர்கள் காயத்ரி, சுப்ரமணியம், சிவசுப்ரமணியம், பாலசுப்ரமனியன், பூண்டி உள்ளிட்டோர்

பங்கேற்றனர்.