நாமக்கல்: 'ராசிபுரம் நீதிமன்றம் எதிரே உள்ள ஆக்கிரமிப்பு நிலத்தை கையகப்படுத்தி, புதிய பஸ் ஸ்டாண்ட் அமைக்க வேண்டும்' என, சசிகலா ஆதரவாளர்கள், அ.தி.மு.க., கொடியுடன் மாட்டு வண்டி, குதிரை வண்டியில் வந்து, நாமக்கல் கலெக்டரிடம் மனு அளித்-தனர்.

அந்த மனுவில் கூறியிருப்பதாவது: ராசிபுரம் நகராட்சி அலுவலகத்தில் நடந்த கவுன்சிலர்கள் கூட்-டத்தில், ராசிபுரம் பஸ் ஸ்டாண்டை இடமாற்றம் செய்வதாக தீர்-மானம் நிறைவேற்றப்பட்டுள்ளது. தொடர்ந்து நடந்த கருத்து கேட்பு கூட்டத்தில், 'புதிய பஸ் ஸ்டாண்ட் கட்டுவதற்கு, 7 - 10 ஏக்கர் நிலம் தேவைப்படுகிறது. பொதுமக்கள் யாராவது குறைந்த விலையிலும், தானமாகவும் வழங்கலாம்' என, தெரிவிக்கப்பட்-டது. ஆனால், அன்றைய தினமே, அணைப்பாளையம் கிரா-மத்தில், 7 ஏக்கர் நிலம், ராசிபுரம் நகராட்சி கமிஷனர் பெயரில் தானமாக வழங்கப்பட்டு, பத்திரப்பதிவு செய்யப்பட்டுள்ளது. நகரின் சாலை விரிவாக்கத்திற்காகவும், போக்குவரத்து வசதிக்கா-கவும், தற்போதைய பஸ் ஸ்டாண்ட் இடமாற்றம் செய்வதாக இருந்தால், 2 கி.மீ., துாரத்தில் உள்ள சேலம் - நாமக்கல் புறவழிச்-சாலை அல்லது ஒரு கி.மீ., துாரத்தில் உள்ள ராசிபுரம் நீதிமன்றத்-திற்கு எதிரே வட்டார போக்குவரத்து அலுவலகம் அருகே ஆக்கி-ரமிக்கப்பட்டுள்ள, 7.30 ஏக்கர் நிலத்தை கையகப்படுத்தி அங்கு, புதிய பஸ் ஸ்டாண்ட் அமைக்க, கலெக்டர் உமா நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.