எருமப்பட்டிஎருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இந்த சந்தைக்கு, நவலடிப்பட்டி, கஸ்துாரிப்பட்டி, முட்டாஞ்செட்டி உள்ளிட்ட பகுதிகளில் இருந்து விவசாயிகள், தாங்கள் வளர்க்கும் ஆடுகளை விற்பனைக்கு கொண்டு வருகின்றனர்.

இதேபோல், இந்த சந்தைக்கு முசிறி, தொட்டியம், குளித்தலை உள்ளிட்ட பகுதிகளில் இருந்து வரும் வியாபாரிகள், இறைச்சி கடைகளுக்கு தேவையான ஆடுகளை வாங்கி செல்கின்றனர். தற்போது, கார்த்திகை மாதம் ஐயப்பன் சீசன் என்பதால், வியாபாரிகளின் வருகை குறைந்தே காணப்பட்டது. இதன் காரணமாக, 5 லட்சம் ரூபாய்க்கு மட்டுமே வர்த்தகம் நடந்ததாக வியாபாரிகள் தெரிவித்தனர்.