நாமக்கல், நாமக்கல்லில், தேசிய முட்டை ஒருங்கிணைப்புக்குழு கூட்டம் நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 555 காசுக்கு விற்ற முட்டை விலை, ஐந்து காசு உயர்த்தி, 560 காசாக நிர்ணயம் செய்யப்பட்டது. கடந்த, நான்கு நாட்களில் முட்டை கொள்முதல் விலை, 20 காசு உயர்ந்துள்ளது குறிப்பிடத்தக்கது.

நாட்டின் பிற மண்டல முட்டை விலை (காசுகளில்) நிலவரம்: சென்னை, 620, ஐதராபாத், 540, விஜயவாடா, 560, பர்வாலா, 503, மும்பை, 595, மைசூரு, 605, பெங்களூரு, 600, கோல்கட்டா, 620, டில்லி, 525 என, நிர்ணயம் செய்யப்பட்டுள்ளது. நாமக்கல்லில், நேற்று நடந்த பண்ணையாளர்கள், வியாபாரிகள் ஒருங்கிணைப்புக்குழு கூட்டத்தில், முட்டைக்கோழி ஒரு கிலோ, 102 ரூபாய்க்கும், கறிக்கோழி ஒரு கிலோ, 108 ரூபாய்க்கும் விற்பனை செய்யப்பட்டது.