மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன்கிழமை பருத்தி ஏலம் நடக்கிறது.

அதன்படி, நேற்று நடந்த ஏலத்தில் மங்களம், பள்ளக்குழி, கரட்டுவலவு, சூரியகவுண்டம்பாளையம், கருங்கல்பட்டி, பருத்திப்பள்ளி, சோமணம்பட்டி, மாரம்பாளையம், ராமாபுரம் உள்ளிட்ட பல்வேறு பகுதியை சேர்ந்த விவசாயிகள், 84 மூட்டை பருத்தியை விற்பனைக்கு கொண்டு வந்திருந்தனர்.

இதில் பி.டி., ரகம் குவிண்டால், 5,069 ரூபாய் முதல், 7,499 ரூபாய், கொட்டு பருத்தி, 4,060 ரூபாய் முதல், 4,899 ரூபாய் என, மொத்தம், 1.88 லட்சம் ரூபாய்க்கு ஏலம் நடந்தது. அடுத்த ஏலம் வரும், 18ல் நடக்கிறது.