சேதமான ரேஷன் கடைஇடிந்து விழும் அபாயம்

எலச்சிபாளையம்:எலச்சிபாளையம் யூனியன், அக்கலாம்பட்டி கிராமத்தில், கடந்த, 25 ஆண்டுகளுக்கு முன், ரேஷன் கடை கட்டப்பட்டது. சுற்றுவட்டாரத்தை சேர்ந்த, 250க்கும் மேற்பட்ட மக்கள், ரேஷன் பொருட்களை பெற்று பயனடைந்து வருகின்றனர். இந்த கட்டடம் கட்டி நீண்ட நாட்கள் ஆனதால், ஆங்காங்கே சுவரில் விரிசல் ஏற்பட்டுள்ளது.

இதே நிலை தொடர்ந்தால், இடிந்து விழும் அபாய நிலை உள்ளது. அவ்வாறு விழுந்தால் உயிர்பலிகூட நேரலாம். எனவே, மக்களின் நிலைமையை கருத்தில் கொண்டு சிதிலமடைந்து காணப்படும் ரேஷன் கடையை, சீரமைக்க அதிகாரிகள் நடவடிக்கை எடுக்க வேண்டும் என மக்கள் கோரிக்கை விடுத்துள்ளனர்.