சுற்றுச்சுவருக்கு ரூ.63.5 கோடி ஒதுக்க முடிவு

கால்வாய்க்கு சுற்றுச்சுவர் கட்ட ரூ.63.5 கோடி ஒதுக்க அரசு திட்டமிட்டுள்ளது. வெள்ளம் வரும் போது செல்லுார் கண்மாயின் இடதுபுற கலுங்கில் இருந்து 2.5 கி.மீ., நீள பந்தல்குடி கால்வாய் வழியாகவும் குலமங்கலம் அருகே வலதுபுற கால்வாய் வழியாகவும் வைகையாற்றை தண்ணீர் சென்றடையும் வகையில் ஏற்கனவே கட்டமைப்பு உள்ளது. வலதுபுற கால்வாய் பாதை சிறிதாக இருந்ததால் 6 மாதங்களுக்கு முன்பாக ரூ.80 கோடி மதிப்பீட்டில் 'கட் அண்ட் கவர்' முறை அமைக்கும் பணி தொடங்கியது. எல்.ஐ.சி., அருகே குலமங்கலம் ரோட்டின் தரைக்கு அடியில் சிமென்ட் கால்வாய் அமைக்கப்பட்டு வைகையாற்றில் தண்ணீர் வழிந்தோடுவதற்கான பணி நடக்கிறது.2.5 கி.மீ., நீள கால்வாயின் இருபக்கம் என மொத்தம் 5 கி.மீ., நீளத்திற்கு 3 மீட்டர் உயரத்தில் சுற்றுச்சுவர் அமைக்க ரூ.63.5 கோடி ஒதுக்கப்பட்டுள்ளதாக தகவல் வெளியானது. பருவமழைக்கு முன்பாக தொகை ஒதுக்கப்பட்டால் 4 மாதங்களுக்குள் பணிகளை முடிக்கவும் நீர்வளத்துறை அதிகாரிகள் திட்டமிட்டுள்ளனர். மொத்தத்தில் முதல்வர் ஸ்டாலினால் கவனம் பெற்ற பந்தல்குடி கால்வாய்க்கு விமோசனம் கிடைத்துள்ளது.