முதல்வர் நிகழ்ச்சிமேயர் புறக்கணிப்பு

மதுரையில் பழங்காநத்தம் - டி.வி.எஸ்.நகர் ரயில்வே மேம்பாலத்தின் ஜெய்ஹிந்துபுரம் பிரிவு பாலத்தை காணொலி மூலம் முதல்வர் ஸ்டாலின் நேற்று திறந்து வைத்தார். இந்நிகழ்ச்சியின்போது மதுரையில் அமைச்சர் மூர்த்தி, கலெக்டர் சங்கீதா, மாநகராட்சி கமிஷனர் சித்ரா பங்கேற்றனர்.மேயர் இந்திராணி பங்கேற்கவில்லை. நேற்று காலை அவரது கணவர் பொன்வசந்த் கட்சி உறுப்பினர் பொறுப்பில் இருந்து சஸ்பெண்ட் செய்யப்பட்ட தகவல் வெளியான நிலையில், அதன் பின் நடந்த முதல்வர் நிகழ்ச்சியை அவர் புறக்கணித்துள்ளது குறிப்பிடத்தக்கது.இதுகுறித்து அதிகாரிகள் கூறுகையில், முதல்வர் நிகழ்ச்சி குறித்து மேயருக்கு முன்கூட்டியே தெரிவித்து விட்டோம். ஆனாலும் பங்கேற்கவில்லை என்றனர்.