மதுரை: மதுரை மாவட்ட வேலைவாய்ப்பு அலுவலகத்தில் தனியார் வேலைவாய்ப்பு முகாம் ஜூன் 20ல் நடக்கிறது. பத்தாம் வகுப்பு முதல் பட்டப்படிப்பு, முதுநிலை பட்டப்படிப்பு, ஐ.டி.ஐ., டிப்ளமோ படித்தவர்கள் பங்கேற்கலாம்.

வேலை தேடுபவர்களும், வேலை அளிக்கும் நிறுவனங்களும் www.tnprivatejobs.tn.gov.in என்ற இணையதளத்தில் தங்கள் சுயவிவரங்களை பதிவு செய்ய வேண்டும்.

விருப்பமுள்ளோர் தங்கள் கல்விச்சான்றிதழ், குடும்ப அட்டை, ஆதார் நகல், போட்டோவுடன் ஜூன் 20 காலை 10:00 மணிக்கு புதுாரில் உள்ள வேலைவாய்ப்பு அலுவலகத்திற்கு வரவேண்டும். இங்கு பணிநியமனம் பெறுவோரின் வேலை வாய்ப்பு அலுவலக பதிவுக்கு எவ்விதத்திலும் பாதிப்பு வராது என, துணை இயக்குனர் சண்முக சுந்தர் தெரிவித்துள்ளார்.