மழைநீர் செல்ல வழியில்லை

மதுரை மாநகராட்சி 19 வார்டு தானத்தவம் புதுார் மாடக்குளம் கண்மாய் உபரிநீர் மற்றும் மழைநீர் வெளியேற வழியின்றி தேங்கி நிற்கிறது. பாதாள சாக்கடை வசதியில்லாததால் வீடுகளைச் சுற்றி தண்ணீர் தேங்கியுள்ளது. நவடிக்கை எடுக்க வேண்டும்.

- விஜயகுமார், தானத்தவம் புதுார்.

ரோட்டில் சாக்கடை நீர்

ஆத்திக்குளம் மாயத்தேவர் காலனியில் சாக்கடை கழிவுநீர் 2 மாதங்களாக ரோட்டில் ஓடுகிறது. பலமுறை அதிகாரிகளிடம் புகார் அளித்தும் பலனில்லை. நடவடிக்கை எடுக்க வேண்டும்.

- சீனிவாசன், ஆத்திகுளம்.

சாக்கடை மூடி சரிசெய்க

மதுரை கல்லுாரி மேம்பாலத்தின் கீழ் ரோட்டில் சாக்கடை மூடி உடைந்து பல மாதங்களாகிறது. விபத்து நடப்பதற்கு முன்பாக தடுப்பு நடவடிக்கை எடுக்க மாநகராட்சியினர் முன்வர வேண்டும்.

- கருணாநிதி, மதுரை.

வாய்க்காலில் குவியும் குப்பை

மாநகராட்சி 64, 65 வது வார்டு பகுதி கிருதுமால் நதி கால்வாயில் பல மாதங்களாக குப்பை நிறைந்துள்ளது. இதில் கொசுக்கள் உற்பத்தியாகி தொற்றுநோய் அபாயம் ஏற்பட்டுள்ளது. குப்பையை அகற்ற நடவடிக்கை எடுக்க வேண்டும்.

- கிருஷ்ணன்,பெத்தானியபுரம்.

ரோட்டில் கொட்டும் குப்பை

மதுரை செல்லுார் 60 அடி ரோட்டின் அருகே குப்பை கொட்டுவதால் பாதசாரிகள் நடந்து செல்ல முடியாத துர்நாற்றச் சூழல் ஏற்பட்டுள்ளது. மாநகராட்சியினர் நடவடிக்கை எடுக்க வேண்டும்.

- தினேஷ்பாண்டி, செல்லுார்.

நாய்களால் தொல்லை

மதுரை பழங்காநத்தம் திருவள்ளுவர் நகர் 1 முதல் 12 தெருக்களில் வெறிநாய்கள் உலா வருகின்றன. பொதுமக்கள் நடந்து செல்ல முடியவில்லை. சிறுவர்கள் விளையாட முடியவில்லை. விரட்டிக் கடிக்கும் நாய்களை கட்டுப்படுத்த மாநகராட்சி நடவடிக்கை எடுக்க வேண்டும்.

- கண்ணன், திருவள்ளுவர் நகர்.