ஓசூர்: சூளகிரி அருகே, பைக்குகள் நேருக்கு நேர் மோதிக் கொண்டதில், இருவர் பலியாகினர்.

கிருஷ்ணகிரி மாவட்டம் சூளகிரி, செம்பரசனப்பள்ளி அருகே கட்டிகானப்பள்ளியை சேர்ந்தவர் சந்தோஷ், 29, தேங்காய் வியாபாரி; சூளகிரி செல்ல கட்டிகானப்பள்ளியில் இருந்து ஹீரோ ஸ்பிளண்டர் பைக்கில் நேற்று முன்தினம் மாலை புறப்பட்டார். அனாசந்திரத்தை சேர்ந்த பெயின்டர் திம்மராஜ், 44; பீளாளம் கிராமத்திலிருந்து, வி.மாதேப்பள்ளி கிராமத்துக்கு பஜாஜ் விக்ராந்த் பைக்கில் சென்றார். சூளகிரி - கும்பளம் சாலையில் தொட்டூர் கிராமத்தில், கங்கம்மா கோவில் அருகே மாலை, 6:30 மணிக்கு வந்தபோது, இருவரின் பைக்குகளும் நேருக்கு நேர் மோதிக்கொண்டன. இதில் தலையில் படுகாயமடைந்த இருவரையும் அப்பகுதியினர் மீட்டு, சூளகிரி அவசர சிகிச்சை மையத்துக்கு அனுப்பினர்.

டாக்டர்கள் பரிசோதனையில் இருவரும் ஏற்கனவே இறந்து விட்டது தெரிந்தது. இதுகுறித்து சூளகிரி போலீசார் விசாரிக்கின்றனர்.