கிருஷ்ணகிரி, கிருஷ்ணகிரி மாவட்ட விளையாட்டு அரங்கில், முதல்வர் கோப்பைக்கான மாவட்ட விளையாட்டு போட்டிகள் கடந்த மாதம், 26 முதல் நடந்து வருகிறது. நேற்று பொதுப்பிரிவில் ஆண்களுக்கான கபடி போட்டியில், 180 பேரும், பெண்களுக்கான கல்லுாரி பிரிவில் கால்பந்து போட்டியில், 144 மாணவியர் என மொத்தம், 324 பேர் பங்கேற்றனர். இப்போட்டியின் துவக்க நிகழ்ச்சியில், மாவட்ட விளையாட்டு அலுவலர் ராஜகோபால் வரவேற்றார். கலெக்டரின் நேர்முக உதவியாளர் ராமஜெயம், சி.இ.ஓ.,வின் முன்னாள் நேர்முக உதவியாளர் முனுசாமி ஆகியோர் இப்போட்டிகளை துவக்கி வைத்தனர்.

போட்டிகள் கடந்த மாதம், 26ல் துவங்கி இன்று (செப்.12) வரை, பள்ளி, கல்லுாரி, மாற்றுத் திறனாளிகள், அரசு ஊழியர்கள், பொதுமக்கள் என, 5 பிரிவுகளில், 37 விளையாட்டு போட்டிகள் நடக்கிறது. இதில் வெற்றி பெறுபவர்களுக்கு முதல் பரிசாக, 3,000 ரூபாய், 2ம் பரிசாக, 2,000, 3ம் பரிசாக, 1,000 ரூபாய் வழங்கப்படுகிறது. தனிநபர் போட்டிகளில் முதல் இடங்களை பிடிக்கும் வீரர், வீராங்கனைகள், மாநில அளவிலான போட்டிகளுக்கு, அரசு செலவில் அழைத்துச் செல்லப்பட உள்ளனர்.