அரூர், -தர்மபுரி மாவட்டம், கம்பைநல்லுார் ஸ்ரீராம் மெட்ரிக் மேல் நிலைப்பள்ளி மாணவ, மாணவியர், 10ம் வகுப்பு பொதுத்தேர்வில் அதிக மதிப்பெண்கள் பெற்று சாதனை படைத்துள்ளனர். இப்பள்ளி மாணவி தேஜாஸ்ரீ, 500-க்கு, 497 மதிப்பெண் பெற்று மாவட்டத்தில், 3ம் இடமும், பள்ளியில் முதலிடமும் பெற்றுள்ளார்.

மாணவர் தினேஷ், 496 மதிப்பெண் பெற்று பள்ளியில், 2ம் இடமும், மாணவர் தீபன், திலீப்குமார் ஆகியோர், 495 மதிப்பெண் பெற்று, 3-ம் இடமும் பெற்றுள்ளனர். மேலும், 490 மதிப்பெண்களுக்கு மேல், 8 பேர், 480 மதிப்பெண்களுக்கு மேல், 32 பேரும் பெற்றுள்ளனர். அறிவியலில், 26 பேர், சமூக அறிவியலில், 19 பேர், 100க்கு, 100 மதிப்பெண்கள் பெற்றுள்ளனர், தமிழில்,- 5 பேர், ஆங்கிலத்தில், 8 பேர், கணிதத்தில், 7 பேர், 100-க்கு, 99 மதிப்பெண்கள் பெற்றுள்ளனர். 10ம் வகுப்பு பொதுத்தேர்வில் சிறப்பிடம் பெற்ற மாணவ, மாணவியரை, ஸ்ரீராம் கல்வி நிறுவனங்களின் நிறுவனர் வேடியப்பன், தாளாளர் சாந்தி வேடியப்பன், பள்ளி நிர்வாக இயக்குனர்கள் தமிழ்மணி, பவானி தமிழ்மணி, பள்ளி முதல்வர் ஜான் இருதயராஜ் மற்றும் ஆசிரியர்கள் பாராட்டினர்.