கிருஷ்ணகிரி, கிருஷ்ணகிரி அரசு மருத்துவக் கல்லுாரி மருத்துவமனைக்கு, கிருஷ்ணகிரி மற்றும் ஓசூர் ரோட்டரி கிளப் உறுப்பினர்கள், 67.88 லட்சம் ரூபாய் மதிப்பிலான, 8 டயாலிசிஸ் உபகரணங்களை மாவட்ட கலெக்டர் தினேஷ்குமார் முன்னிலையில், அரசு மருத்துவக் கல்லுாரி முதல்வர் பூவதியிடம் நேற்று வழங்கினர்.

இது குறித்து கலெக்டர் தினேஷ்குமார் கூறியதாவது:

ரோட்டரி கிளப், கிருஷ்ணகிரி மாவட்டத்திற்கு பல்வேறு திட்ட பணிகளை செய்து வருகிறது. தற்போது, ஏழை எளிய மக்கள் பயன்பெறும் வகையில், கிருஷ்ணகிரி அரசு மருத்துவக்கல்லுாரி மற்றும் மருத்துவமனைக்கு கிருஷ்ணகிரி, ஓசூர், ஓசூர் மிட்டவுன் மற்றும் ஓசூர் சிப்காட் ரோட்டரி சங்கங்கள் இணைந்து, ஓசூர் கிளைகள் சார்பில், 41.93 லட்சம் ரூபாய் மற்றும் கிருஷ்ணகிரி கிளப் சார்பில், 25.94 லட்சம் ரூபாய் என மொத்தம், 67.88 லட்சம் ரூபாய் மதிப்பில், 8 டயாலிசிஸ் உபகரணங்களை வழங்கி உள்ளனர். இதை நல்ல நிலையில் பயன்படுத்தி, பொதுமக்களுக்கு சிறந்த மருத்துவ சேவை அளிக்கப்படும்.

இவ்வாறு, அவர் கூறினார்.

நிகழ்ச்சியில் மருத்துவ கண்காணிப்பாளர் சந்திரசேகரன், துணை முதல்வர் சாத்விகா, உள்ளிருப்பு மருத்துவ அலுவலர்கள் செல்வராஜ், மது, தினேஷ், ரோட்டரி சங்க மாவட்ட கவர்னர் சிவக்குமார், நிர்வாகிகள் லோகநாதன், பாபு, பார்த்தீபன், சிவராமன், மகேஷ், மற்றும் பலர் கலந்து

கொண்டனர்.