தர்மபுரி, கால்நடைகளுக்கு தர்மபுரி மாவட்டத்தில், 7--வது சுற்று கோமாரி நோய் தடுப்பூசி போடுவது குறித்து, மாவட்ட கலெக்டர் சதீஸ் வெளியிட்டுள்ள அறிக்கை:

தர்மபுரி மாவட்டத்தில், 3 லட்சத்து, 45,500 பசு மற்றும் எருமை இனங்கள் உள்ளன. இவற்றில், 4 மாத வயதிற்கு மேற்பட்ட கால்நடைகளுக்கு தேசிய கால்நடை நோய் தடுப்பு திட்டத்தில், 7-வது சுற்று கோமாரி நோய் தடுப்பூசி போட, 3,62,950 டோஸ், 'கோமாரி நோய்' தடுப்பூசி மருந்து மத்திய அரசால் வழங்கப்பட்டுள்ளது.

தர்மபுரி மாவட்டத்திலுள்ள, அனைத்து கிராமங்களிலும், ஜூலை, 2, முதல், 22 வரை, 3 வாரம் சிறப்பு முகாம்கள் மூலம், தடுப்பூசி இலவசமாக போடப்பட உள்ளது. இதில், 4 மாத வயதிற்கு மேற்பட்ட அனைத்து பசு மற்றும் எருமை இனங்களுக்கு தடுப்பூசி போடப்படும். விடுபட்ட கால்நடைகளுக்கு ஜூலை, 23 முதல், 31 வரை போடப்படும். கால்நடை வளர்ப்போர் இந்த வாய்ப்பை பயன்படுத்தி கொள்ளலாம்.

இவ்வாறு, அவர் தெரிவித்துள்ளார்.