ஓசூர், ஓசூர் சப்-கலெக்டர் அலுவலகம் எதிரிலுள்ள ஓம் சக்தி அம்மன் கோவில், 2ம் ஆண்டு வருஷாபிஷேக விழாவையொட்டி, நேற்று முன்தினம் மாலை, 6:00 மணிக்கு, முதல்கால யாக பூஜை நடந்தது.

நேற்று காலை, 2ம் கால யாக பூஜை நடந்தது. தொடர்ந்து, 11:00 மணிக்கு, கலசாபிஷேகம், சுவாமி அலங்காரம், மங்களார்த்தி மற்றும் பிரசாதம் வழங்குதல் ஆகியவை நடந்தது. இதில், திரளான பக்தர்கள் கலந்து கொண்டனர். மாலை, 6:00 மணிக்கு, ஓம்சக்தி அம்மன் திருவீதி உலா வந்து பக்தர்களுக்கு அருள் பாலித்தார்.