கிருஷ்ணகிரி: கிருஷ்ணகிரி காட்டிநாயனப்பள்ளி ஆஞ்சநேய சமேத சுப்பிரம-ணிய சுவாமி கோவிலில் கடந்த மாதம், 11ல் தைப்பூச திருவிழா நடந்தது. இதையடுத்து, கோவிலில் ஹிந்து சமய அறநிலைத்-துறை சார்பில் வைத்திருந்த, 4 தற்காலிக உண்டியல் மற்றும், 7 நிரந்தர உண்டியலில் இருந்த காணிக்கைகள் நேற்று எண்ணப்பட்-டன. ஹிந்து சமய அறநிலையத்துறை, கிருஷ்ணகிரி உதவி ஆணையர் ராமுவேல் முன்னிலையில், கோவில் பரம்பரை அறங்-காவலர் கிருஷ்ணசந்த் கோவில் உண்டியல்களை திறந்தார்.

நிகழ்ச்சியில், கிருஷ்ணகிரி ஹிந்து சமய அறநிலையத்துறை சரக ஆய்வாளர் கவிப்பிரியா, போச்சம்பள்ளி சரக ஆய்வாளர் ராம-மூர்த்தி, கண்ணம்பள்ளி வெங்கட்ரமண சுவாமி கோவில் செயல் அலுவலர் சித்ரா ஆகியோர் உண்டியல் எண்ணும் பணிகளை பார்வையிட்டனர். இதில், போலுப்பள்ளி அறிஞர் அண்ணா கலை மற்றும் அறி-வியல் கல்லுாரி மாணவர்கள், 25க்கும் மேற்பட்டோர், உண்-டியலில் இருந்த காணிக்கைகளை எண்ணினர். யுகோ வங்கி பணியாளர்கள் காணிக்கைகளை இயந்திரம் மூலம் கணக்கிட்-டனர். அதன்படி, 11 உண்டியல்களில், 12.14 லட்சம் ரூபாய், 16 கிராம் தங்கம், 470 கிராம் வெள்ளியை பக்தர்கள் காணிக்கையாக செலுத்தியிருந்தனர். நிகழ்ச்சிகள் முழுவதையும் ஹிந்து சமய அறநிலயத்துறை அதிகாரிகள் வீடியோவில் பதிவு செய்தனர். கோவில் வளாகத்தில் போலீஸ் பாதுகாப்பு போடப்பட்டிருந்தது.