கரூர், ஊதிய உயர்வு உள்பட பல்வேறு கோரிக்கைகளை நிறைவேற்ற வலியுறுத்தி, தமிழ்நாடு கிராம மேல்நிலை தொட்டி இயக்குபவர்கள், துாய்மை பணியாளர்கள் சங்க மாவட்ட தலைவர் வீராச்சாமி தலைமையில், கரூர் கலெக்டரிடம் மனு அளித்தனர்.

அதில், கூறியிருப்பதாவது:

கரூர் மாவட்டத்தில் கிராம பஞ்.,ல், பணிபுரியும் மேல்நிலை நீர்த்தேக்க தொட்டி, மின் மோட்டார் இயக்குபவர்கள், துாய்மை பணியாளர்களை பணி நிரந்தரம் செய்ய வேண்டும். அவர்களுக்கு, 7 வது சம்பள கமிஷன்படி ஊதியம் வழங்க வேண்டும். துாய்மை பணியாளர்களுக்கு காப்பீடு தொகை பிடித்தம் செய்யப்பட்டாலும், அதற்குரிய காப்பீடு அட்டை வழங்கப்படவில்லை. துாய்மை பணியாளர்களுக்கு தேவையான பாதுகாப்பு உபகரணங்கள் வழங்க வேண்டும். அனைவருக்கும் அடையாள அட்டை வழங்க வேண்டும்.

இவ்வாறு கூறப்பட்டுள்ளது.