கரூர், கரூர் டவுன் போலீஸ் எஸ்.ஐ., மாரிமுத்து உள்ளிட்ட போலீசார் கடந்த, 24ம் தேதி அம்மா சாலை பகுதியில், ரோந்து பணியில் ஈடுபட்டிருந்தனர். அப்போது, ஆயுதங்களுடன் பொதுமக்களை அச்சுறுத்தும் வகையில், சுற்றித்திரிந்த கரூர் மாவடியான் கோவில் தெருவை சேர்ந்த வினோத்குமார், 25; பரணி பாண்டி, 19; உதயகுமார், 24; ஆத்துார் பிரிவை சேர்ந்த மோகன் ராஜ், 25; ஆகிய நான்கு பேரை போலீசார் கைது செய்தனர்.

மேலும், அவர்களிடமிருந்து இரண்டு அரிவாள், ஒரு பிச்சுவா கத்தி, சாதாரண கத்தி ஆகியவற்றை கரூர் டவுன் போலீசார் பறிமுதல் செய்து விசாரணை நடத்தி வருகின்றனர்.