கிருஷ்ணராயபுரம், மேலவிட்டுக்கட்டி, அய்யனாராப்பன் சுவாமி தேர்திருவிழாவை முன்னிட்டு, சிறப்பு வழிபாடு பூஜை நடந்தது.

கிருஷ்ணராயபுரம் அடுத்த, லாலாப்பேட்டை மேலவிட்டுக்கட்டி அருகில், அய்யனாராப்பன் கோவில் உள்ளது. நேற்று முன்தினம் இரவு கோவில் திருவிழாவை முன்னிட்டு, சிறிய தேரில் அய்யனாரப்பனுக்கு அலங்காரம் செய்து, மேலவிட்டுக்கட்டி, சந்தைப்பேட்டை கடைவீதி, ஆண்டியப்ப நகர் வீதிகள் வழியாக திரு வீதி உலா நடந்தது.

நேற்று காலை கோவிலில் கிடா வெட்டுதல், நேர்த்திக்கடன் செலுத்துதல், சிறப்பு வழிபாடு பூஜைகள் செய்யப்பட்டது. இன்று காலை, 7:00 மணிக்கு அய்யனாரப்பன் பெரிய தேரில் சிறப்பு அலங்காரம் செய்யப்பட்டு திருவீதி உலா நடக்கிறது.