கிருஷ்ணராயபுரம், லாலாப்பேட்டை கமிஷன் மண்டியில், வாழைத்தார்கள் விற்பனை செய்யப்பட்டது.கிருஷ்ணராயபுரம் அடுத்த லாலாப்பேட்டை, பிள்ளபாளையம், வல்லம், கொம்பாடிப்பட்டி, வீரவள்ளி, வீரகுமாரன்பட்டி, கருப்பத்துார், கள்ளப்பள்ளி, சிந்தலவாடி, பொய்கைப்புத்துார் ஆகிய பகுதிகளில் விவசாயிகள் வாழை சாகுபடி செய்து வருகின்றனர்.

வாழைத்தார்கள் அறுவடை செய்யப்பட்டு, லாலாப்பேட்டை கமிஷன் மண்டிகளில் கொண்டு வந்து விற்பனை செய்யப்படுகிறது.நேற்று நடந்த ஏலத்தில் பூவன் வாழைத்தார், 250 ரூபாய், ரஸ்தாளி வாழைத்தார், 300 ரூபாய், கற்பூரவள்ளி வாழைத்தார், 150 ரூபாய்க்கு விற்கப்பட்டது. வாழைத்தார்களை உள்ளூர் வியாபாரிகள் வாங்கி சென்றனர்.