உத்திரமேரூர் : உத்திரமேரூர் ஒன்றியம், ஆனம்பாக்கத்தில் அரசு உயர்நிலைப் பள்ளி இயங்குகிறது. இந்த பள்ளிக்கு என, விளையாட்டு மைதானம் ஏற்படுத்தப்படவில்லை.

இதனால், பள்ளி மாணவ - மாணவியர் விளையாட்டு நேர இடைவெளியில், பள்ளி வளாகத்தின் ஒரு சிறு பகுதியில் விளையாடும் நிலை இருந்து வருகிறது.

இதனால், விளையாட்டு பயிற்சிகளில் முழுமையாக ஈடுபட முடியாத நிலை மாணவ - மாணவியருக்கு உள்ளது.

எனவே, ஆனம்பாக்கம் உயர்நிலைப் பள்ளிக்கு அருகில் உள்ள அரசுக்கு சொந்தமான காலி மனையில் விளையாட்டு மைதானம் ஏற்படுத்த நடவடிக்கை எடுக்க வேண்டும் என, மாணவர்கள், பெற்றோர் மற்றும் அப்பகுதியினர் கோரிக்கை விடுத்துள்ளனர்.