தொழிற்சாலை பகுதிகள் பயனடையும்

ஸ்ரீபெரும்புதுார், ஒரகடம் பகுதியில் மக்கள் மற்றும் தொழில் நிறுவனங்கள் சாலை போக்குவரத்தையே பெரிதும் நம்பியிருக்கும் நிலையில், ரயில் போக்குவரத்துக்கான பணிகள் துவங்கி உள்ளதால், ஸ்ரீபெரும்புதுார் சுற்றியுள்ள மக்கள் பயனடைவர். அதேபோல, சென்னையின் இரண்டாவது விமான நிலையம், பரந்துார் பகுதியில் அமைய இருக்கிறது.
விமான நிலையத்தையும், காஞ்சிபுரத்தையும் இணைக்கும் வகையில், ரயில் திட்டம் கொண்டு வர வேண்டும் என, காஞ்சிபுரம் பகுதி மக்கள் எதிர்பார்க்கின்றனர்.சுற்றுலா மற்றும் ஆன்மிக நகரமான காஞ்சிபுரத்திலிருந்து சென்னைக்கு செங்கல்பட்டு வழியாக தான் ரயிலில் செல்ல முடிகிறது. ஸ்ரீபெரும்புதுாருக்கு ரயில் தடம் அமைக்கப்பட்டால், காஞ்சிபுரம் வரை அவற்றை நீட்டிக்க மத்திய ரயில்வே துறை நடவடிக்கை எடுக்க வேண்டும் என, காஞ்சிபுரம் மக்கள் எதிர்பார்த்துள்ளனர்.