காஞ்சிபுரம்:காஞ்சிபுரம் ஒன்றியம், கோனேரிகுப்பம் ஊராட்சி, பரஞ்சோதியம்மன் நகரில் உள்ள வீடுகளுக்கு மின் இணைப்பு வழங்க, ரயில்வே கடவுப்பாதை அருகில் உள்ள சாலையோரம் மின்கம்பங்கள் அமைக்கப்பட்டுள்ளன.

இதில், ஒரு மின்கம்பத்தில் விரிசல் ஏற்பட்டு, சிமென்ட் காரைகள் உதிர்ந்து கம்பிகள் வெளியே தெரியும் நிலையில் சேதமடைந்த நிலையில் உள்ளது.

ஆபத்தான நிலையில் உள்ள இந்த மின்கம்பம் பலத்த காற்றுடன் மழை பெய்தால் முற்றிலும் விழுந்து மின்விபத்து ஏற்படும் சூழல் உள்ளது.

எனவே, சிதிலமடைந்த நிலையில் உள்ள பழைய மின்கம்பத்தை அகற்றிவிட்டு, புதிய மின்கம்பம் அமைக்க வேண்டும் என, பரஞ்சோதி நகரினர் வலியுறுத்தி உள்ளனர்.