காஞ்சிபுரம், காஞ்சிபுரம் வழக்கறுத்தீஸ்வரர் மற்றும் பராசரேசர் கோவில் உள்ளது. இக்கோவிலில், நடப்பாண்டிற்கான ஆனி உத்திர திருக்கல்யாண பிரம்மோற்சவ விழா, கடந்த 7ம் தேதி கொடியேற்றத்துடன் துவங்கியது.

தொடர்ந்து, சப்பரத்திலும், இரவு சிம்ம வாகனத்திலும் வழக்கறுத்தீஸ்வரர் எழுந்தருளி உலா வந்தார்.

இதில், ஐந்தாம் நாள் உற்சவமான கடந்த 11ம் தேதி காலை, அதிகார நந்தி வாகனமும், இரவு திருக்கல்யாண உற்சவமும், ஏழாம் நாள் உற்சவமான கடந்த 13ம் தேதி மருகுவார்குழலி அம்பிகையுடன், அலங்கரிக்கப்பட்ட தேரில் எழுந்தருளிய வழக்கறுத்தீஸ்வரர் நான்கு ராஜ வீதிகளிலும் உலா வந்தார்.

இதில், 10ம் நாள் உற்சவமான நேற்று காலை நடராஜ பெருமான் புறப்பாடும், இரவு ரிஷப வாகன புறப்பாடும் நடந்தது.

வரும் 19ம் தேதி காலை தீர்த்தவாரி சந்திரசேகரர் புறப்பாடும், இரவு ரிஷப வாகனத்துடன் ஆனி உத்திர திருக்கல்யாண பிரம்மோற்சவம் நிறைவு பெறுகிறது.